Torsdag 31. august gjekk Swecosprinten 2017 av stabelen. Nytt av året var at campus Dragvoll sto oppført som arena. Nokre vil seie at dette var på grunn av vegarbeid og vanskelege forhold på campus Gløshaugen, medan vi sjølve ser på det som eit flott initiativ av løypesjef Riseth til å drive litt inkluderingsarbeid. Uansett – arenaen var nok over dei flestes forventing, med tekniske svingar, mykje fart og eit seigt oppløp. Sprint slik det skal vere, altså!

Tradisjonen tru, vart Swecosprinten ei intens affære. På førehand var det knytt stor spenning til om fjorårsvinnar Klæbo kom til å stille, og eventuelt kven som kunne utfordre han. Sistnevnte måtte dessverre, til Anna Jensens store skuffelse, melde forfall. Likevel skulle det ikkje mangle på store profilar. Både u23-verdensmester Fredrik Riseth og Even Northug, bror til den mindre kjente Petter, stilte opp – for ikkje å snakke om trippel kretsmester i Sogn og Fjordane, Jakob Meløy. I kvinneklassen var TUB-løpar Astrid Øyre Slind den største favoritten.

Førehandsfavorittane innfridde, og det vart seier til Riseth og Slind. Det skal nemnast at det var harde duellar, og det var berre små marginar som gjorde at Slind stakk av med seieren framfor Ingrid Tveten (snart NTNUI-ar, forhåpentlegvis). For fullstendige resultat, klikk her.

NTNUI Langrenn vil med dette takke alle som stilte opp som løparar, publikum og dugnadshjelp. Ikkje minst vil vi takke våre sponsorar, Sweco og Hank Sport for flotte premiar. Litt ekstra kudos til alt-mulig-mann og løypesjef Jonas Riseth, fotograf G-dawg, tidtakar Marcus Braathen og riggehjelp Seb og Jørund. Ein fantastisk flott dag, og suksess på dei fleste frontar – i ekte NTNUI-stil.

1. Fredrik Riseth 2. Even Northug 3. Vebjørn Tandberg

1. Astrid Øyre Slind 2. Ingrid Tveten 3. Ida Lindkvist

Som dei fleste veit, enten ein vil det eller ikkje, var Jakob Meløy sesongens store linselus. Mange undrar seg om han klarar å gjenta bragden komande sesong. Med tanke på fjorårets prestasjonar, er dette utvilsomt innan rekkevidde. Likevel ser det ut som han får ein sterk utfordrar i mannen med same fornamn – Jakob Mestvedthagen.

I beste sendetid kunne ein observere den gulgrønne kondomdressen langt framme i feltet

Bilde henta frå TV2, utan tillatelse

Sistnevnte hadde nemleg opptil 30 sekund TV-tid under Kanalrennet, eit rulleskirenn på 50 km med heile Norges-eliten på start. Ikkje verst at den gulgrøne kondomdressen får markert seg frame i tet då, nei! Mestvedthagen klokka til slutt inn som nummer 29, 04.37 min bak vinnararen Sundby, som kom i mål på 1.38.44. Bak Jakob på resultatlista var mellom anna kjende namn som John Kristian Dahl, Ånund Lid Byggland og Gaute Kvåle. Med andre ord ein sterk prestasjon!

Også NTNUI-kjenning Ola Jordheim leverte eit godt renn, med 10. plass totalt på 25-kilometeren. Her må vi snart kunne vente ein overgang til ein betre klubb (les: NTNUI).

Redaksjonen har tatt seg ein prat med Mestvedthagen: 

Oppsummér rennet kort: 

– Etter den stjernespekket startliste var det ingen bombe at det ble kjør hardt fra start. Det gikk litt i rykk og napp frem til langbakken på førsterunden, da Sundby bestemte seg for å splitte opp tetgruppa ytterligere. Jeg havnet i en fin gruppe ledet av den dobbelte Vasalopp-vinneren John Kristian Dahl (trolig i tidenes Mai-form). Gruppa holdt seg mere eller mindre samlet inn til mål der jeg til slutt havnet på en 29. plass.

Var dette eit planlagt stunt for å få prisen «Årets linselus» på stakefesten 2018?

– Tja, planlagt og planlagt, men når jeg først var femme der tenkte jeg at jeg kunne gjøre det beste ut av situasjonen, og skaffe NTNUI (og meg) litt PR. Er jo mange sterke kandidater med i denne klassen, så tror ikke det holder med den tiden jeg fikk, men jeg er jo ett skritt nærmere tittelen nå.

Kor mykje meir skal du vise deg fram i TV-ruta framover?

– Ser egentlig for meg at TV2 vil komme opp og sende live fra Hemsedalrulleskifestival, men dette ser dessverre dårlig ut, (men det er heller ingen grunn til å gå glipp av tre festdager med rulleski i fjellbygda…) Og da Paradise hotell søknaden også i år ble avvist blir man nødt til å legge ned en solid trenings innsats i sommer og høst for igjen være med for å kjempe om TV-tid til vinteren.

Onsdag 08. februar kunne ein observere dette på Facebook

Årets Tour de Sweco kunne avsløre alt frå dårlig form, til kven som har brukt hausten på å smugtrene i Estenstads djupe skogar. Men i kjølvatnet av touren kom det også andre avsløringar… På onsdags kveld kunne det på facebook nemleg observerast at NTNUI Langrenn’s stolte nestledar gjennom heile to år, Olav Vestøl, nettopp hadde trykt «liker» på langrennsgruppa si side på facebook.

Kva synast langrennsfolket? Er dette respektabel oppførsel av Vegårshei-ekspressen? Eller har han kanskje først no oppdaga «liker»-funksjonen? Bør det bli sanksjonar, til dømes i form av refusjonsnekt? Eller har ein rett og slett blitt for hårsår i dagens sosiale media-samfunn?

I år som i fjor arrangerer langrennsgruppa Tour de Sweco! Her blir det høg fart frå start til mål, syre til øyrene og prestisjetunge duellar. Ein gylden sjanse til å vise kven som er NTNUI Langrenn sin mest komplette utøvar, eller berre ha det gøy på ski!

For program og påmelding til skirenna kan du klikke her. Etter målgang torsdag blir det dusjing og middag på Studenterhytta ifm. bedriftspresentasjon av vår hovudsponsor Sweco. Påmelding til middag her.

Vi i styret gledar oss stort, og satsar på minst like bra oppmøte i år som i fjor!

Tidlig ein onsdag midt i januar sto ein heil gjeng grønne NTNUI-arar på Værnes, klare for å bytte ut trøndersnøen og fiskebeining i Estenstad med trikkeskinner og sol i alpane. Årets destinasjon var Sveits og La Diagonela.

Les videre →